Poslovne vesti - Makedonija

Берово - спа-дестинација на Балканот

Берово стана најбрзо развиена спа-дестинација на Балканот. Во присуство на џет - сетот од регионот, дипломати и градоначалници од 35 туристички дестинации од 6 држави на Балканот, Берово ја доби најпрестижната награда на првата ваква манифестација што викендов се одржа во Ќустендил, Бугарија.

Берово - спа-дестинација на Балканот. Во конкуренција од познатите спа-дестинации од Грција, Бугарија, Србија, Романија, Берово од Македонија со својата питома природа и со традицијата збогатена со современите форми на туризмот, ја воодушеви меѓународната жири-комисија од првата манифестација за Балкански спа-награди.

Дека Македонија може да се носи рамо до рамо со познатите балкански центри беше потврдено и со уште две награди кои ги добија македонските претставници на спа- дестинациите: хотелот "Аурора" од Берово ја освои првата награда за најдобар спа-хотел од областа на планинскиот туризам, додека струмичкиот Сириус, за најголема инвестиција во областа на туризмот за оваа година.